Duket se skena televizive shqiptare po vazhdon t’i hapë gjithnjë e më shumë dyert artistëve nga Kosova.
Pas fenomenit Gjesti, i cili nga “Big Brother VIP Kosova” vazhdoi rrugëtimin e tij në Shqipëri dhe arriti deri te fitorja e “Big Brother VIP Albania”, një tjetër emër nga Kosova po nis të tërheqë vëmendje në Top Channel.
Bëhet fjalë për Bulza Havollin, këngëtaren mezzo-soprano nga Kosova, e cila tashmë është pjesë e emisionit “LIVE me Luizin”, nën drejtimin e Luiz Ejllit.
Dhe këtu lind një pyetje që po bëhet gjithnjë e më interesante: a po i vlerëson Shqipëria artistët kosovarë më shumë se vetë Kosova?
Gjesti është ndoshta shembulli më i fortë se çfarë mund të ndodhë kur një personazh merr hapësirën dhe platformën e duhur. Nga një rrugëtim televiziv në Kosovë, ai kaloi në Top Channel dhe përfundoi duke fituar formatin më të madh të reality-show në Shqipëri.
Tashmë edhe Bulza Havolli po e bën rrugëtimin Prishtinë–Tiranë çdo javë për t’u ngjitur në skenën e një prej televizioneve më të mëdha shqiptare.
Me formim profesional në muzikë, eksperiencë në opera dhe skenë koncertale, Bulza po shfaq një tjetër anë të artistëve kosovarë që po gjejnë hapësirë përtej kufirit.
A po bëhet Top Channel një nga dyert kryesore për talentet e Kosovës?
Një gjë është e sigurt: nga Gjesti te Bulza Havolli, emrat nga Kosova po vazhdojnë të bëjnë zhurmë në ekranet shqiptare.
KAQPATA
