Juventusi është shumë pranë transferimit të mesfushorit të Tottenhamit, Pape Matar Sarr, në një lëvizje që mund të konkretizohet në ditët e fundit të afatit kalimtar.
Klubi italian po punon për përforcimin e mesfushës dhe senegalezi 23-vjeçar është shfaqur si një nga objektivat kryesorë të “Zonjës së Vjetër”.
Sipas raportimeve të gazetarit të njohur të transferimeve, Fabrizio Romano, Juventusi dhe Tottenhami janë afër arritjes së një marrëveshjeje për Sarr.
Formula e transferimit pritet të jetë huazim, me marrëveshjen që do të përfshijë edhe opsionin e blerjes në verën e vitit 2027.
Sarr nuk bën pjesë në planet afatgjata të Tottenhamit
Pape Matar Sarr ka qenë në qendër të spekulimeve për një largim nga Tottenhami gjatë kësaj vere.
Mesfushori nuk konsiderohet pjesë e planeve afatgjata të trajnerit Roberto De Zerbi, duke bërë që klubi londinez të jetë i hapur për një transferim.
Fillimisht, për shërbimet e tij interesim kishte shfaqur Besiktasi, ndërsa më pas në garë u përfshi edhe Nottingham Foresti.
Megjithatë, Juventusi duket se ka bërë hapin vendimtar dhe tani është shumë pranë sigurimit të shërbimeve të mesfushorit senegalez.
Transferimi i Sarr do t’i jepte trajnerit të Juventusit një tjetër alternativë në repartin e mesfushës, ndërsa klubi italian vazhdon të jetë aktiv edhe në kërkim të përforcimeve në sulm.
KAQPATA
