Këngëtari Gjesti është paraqitur sot para gjykatës, në kuadër të çështjes gjyqësore që lidhet me mosmarrëveshjen e tij me pronarin e kompanisë “Onima”, Erkand Shabani.
Gjatë seancës gjyqësore, mbrojtja e Gjestit ka kërkuar që të arrihet një marrëveshje për pranimin e fajësisë.
Kërkesa fillimisht është kundërshtuar nga pala e dëmtuar, por Gjykata ka vendosur ta pranojë marrëveshjen.
Lajmin e ka konfirmuar për mediat avokati i Gjestit, Burim Azemi.
Gjesti: Kam qenë në ankth, e pranoj fajin
Para gjykatës, Gjesti ka pranuar fajësinë dhe ka folur për gjendjen e tij gjatë incidentit.
“Kam qenë në ankth, e pranoj fajin. Një njeri prej qefit ato nuk i bënë”, ka deklaruar këngëtari.
Rasti është bërë objekt i një procesi gjyqësor pas mosmarrëveshjeve mes Gjestit dhe Erkand Shabanit, pronarit të kompanisë “Onima”.
Me pranimin e marrëveshjes nga Gjykata, procedura ndaj këngëtarit hyn në një fazë tjetër, ndërsa detajet e mëtejshme të marrëveshjes pritet të bëhen të ditura gjatë procedurës.
KAQPATA
