Agjencia Kombëtare e Ushqimit (AKU) ka bllokuar mensën e Akademisë së Sigurisë pas një rasti ku 56 kursantë dyshohet se u helmuan nga ushqimi i konsumuar në institucion.
Sipas të dhënave paraprake, pas inspektimeve dhe analizave të kryera, është konstatuar se mensa nuk përmbushte kushtet bazë higjieno-sanitare dhe standardet e sigurisë ushqimore. Për këtë arsye, autoritetet kanë vendosur mbylljen e menjëhershme të objektit.
Ushqimi për studentët furnizohej përmes një kompanie kateringu, ndërsa shërbehej në ambientet e mensës së Akademisë. Hetimet kanë ngritur dyshime për shkelje serioze të procedurave të sigurisë ushqimore.
Pas mbylljes së mensës, kursantët janë detyruar të vijojnë aktivitetet e tyre jashtë institucionit, përfshirë edhe organizimin e ushqimit në mënyra alternative.
Autoritetet pritet të vijojnë hetimet për të përcaktuar përgjegjësitë dhe për të parandaluar raste të ngjashme në të ardhmen.
KAQPATA
