Trafiku Urban ka njoftuar se, për shkak të punimeve infrastrukturore në zonën e Rrethit të Flamurit në Prishtinë, do të ketë ndryshime të përkohshme në qarkullimin e autobusëve të linjave 3 dhe 4.
Sipas njoftimit, nga 10 deri më 18 korrik, rruga “Fehmi Lladrovci”, në segmentin nga Rrethi i Flamurit deri te Rrethi i Spitalit, do të jetë e mbyllur për qarkullim për shkak të realizimit të punimeve infrastrukturore.
Si pasojë, linjat nr. 3 dhe nr. 4 do të devijohen vetëm në drejtimin e ardhjes.
Itinerari i përkohshëm i linjës nr. 3 (Bardhosh – Rrethi i Matit)
- Eqrem Çabej
- Afrim Zhitia
- Xhevë Lladrovci
- Astrit dhe Arbnor Dehari
- Rrethi i Matit
Itinerari i përkohshëm i linjës nr. 4 (Parku i Gërmisë – Matiqan)
- Eqrem Çabej
- Afrim Zhitia
- Xheladin Rekaliu
- Matiqan
Trafiku Urban ka bërë të ditur se në drejtimin Matiqan – Parku i Gërmisë (Linja 4) dhe Rrethi i Matit – Bardhosh (Linja 3), autobusët do të vazhdojnë të qarkullojnë sipas itinerarit të rregullt.
Autoritetet u bëjnë thirrje qytetarëve dhe udhëtarëve të planifikojnë lëvizjet e tyre me kohë dhe të kenë parasysh devijimet e përkohshme deri në përfundimin e punimeve.
KAQPATA
