Dua Lipa dhe partneri i saj, aktori Callum Turner, raportohet se kanë kurorëzuar lidhjen e tyre në një ceremoni private në Londër më 31 maj, ndërsa tashmë po flitet për një festë madhështore dasme që pritet të organizohet në Sicili.
Sipas raportimeve të mediave ndërkombëtare, “festa e vërtetë” e çiftit pritet të jetë një event treditor në një nga vilat më luksoze të Sicilisë, ku do të mblidhen emra të njohur nga industria e muzikës, filmit dhe modës globale.
Në listën e përfolur të të ftuarve dhe performuesve përmenden figura të mëdha botërore si Elton John dhe Charli XCX, duke e kthyer eventin në një nga dasmat më të komentuara të vitit në showbiz-in ndërkombëtar.
Megjithatë, ajo që ka tërhequr më shumë vëmendje në mediat shqiptare është një detaj i ri që po qarkullon në mënyrë jozyrtare: prania e mundshme e këngëtarit të njohur shqiptar Sinan Vllasaliu.
Sipas burimeve të cituara nga media rozë, Sinan Vllasaliu pritet të performojë në këtë ceremoni, duke sjellë një atmosferë shqiptare në një dasmë me përmasa botërore. Hitet e tij të njohura pritet të jenë pjesë e programit muzikor, nëse këto raportime rezultojnë të sakta.
Ndërkohë, asgjë nuk është konfirmuar zyrtarisht nga vetë artistët apo organizatorët e eventit, ndërsa detajet e dasmës po mbahen në hermetizëm të plotë.
Mbetet të shihet në ditët në vijim nëse në këtë ngjarje do të ketë edhe pjesëmarrje të tjera nga estrada shqiptare, duke e bërë më të fortë lidhjen e yllit shqiptar me skenën ndërkombëtare.
KAQPATA
