Taulant Kelmendi është një nga kandidatët për Kuvendin e Kosovës nga radhët e Lëvizjes Vetëvendosje (LVV), duke garuar me numrin 30 në listën zgjedhore 116. Ai vjen me një profil të fortë akademik dhe profesional në fushën e teknologjisë dhe inovacionit, duke synuar të sjellë një qasje të re në politikën kosovare.
I lindur më 10 shkurt 1989 në Pejë, Kelmendi ka ndërtuar një karrierë të bazuar në arsimim të avancuar dhe angazhim profesional në teknologji. Ai ka përfunduar studimet bachelor dhe master në Shkencat Kompjuterike si bursist, ndërsa aktualisht është në përfundim të studimeve të doktoraturës në Teknologji të Informacionit dhe Digjitalizim.
Përveç formimit akademik, Kelmendi është inxhinier i certifikuar i trafikut ajror në Danimarkë dhe posedon certifikata të shumta ndërkombëtare në fushën e digjitalizimit dhe teknologjisë inovative.
Karrierën e tij profesionale e ka nisur si mësimdhënës dhe ligjërues në institucione arsimore, ku ka kontribuar në edukimin e studentëve në fushën e shkencave kompjuterike. Paralelisht, ka qenë i angazhuar në organizata dhe iniciativa që promovojnë inovacionin dhe transformimin digjital në Kosovë.
Në aspektin institucional, Kelmendi ka shërbyer si Zëvendësministër në Ministrinë e Arsimit, Shkencës, Teknologjisë dhe Inovacionit gjatë Qeverisë Kurti 2, ku ka qenë i përfshirë në proceset e digjitalizimit dhe reformave në arsim. Gjithashtu, ai ka përvojë si inxhinier i përpunimit të të dhënave në Agjencinë e Shërbimeve të Navigacionit Ajror.
KAQPATA
