Zvicra është renditur si vendi me imazhin më pozitiv në botë, sipas raportit ndërkombëtar Global Perception Ranking 2026, i cili vlerëson mënyrën se si perceptohen shtetet nga opinioni publik global.
Sipas të dhënave të publikuara, Zvicra ndan vendin e parë me Kanadanë, me të dyja shtetet që kanë arritur rezultatin më të lartë neto të perceptimit pozitiv, prej +36 pikësh.
Renditja përfshin 65 vende dhe bazohet në faktorë të ndryshëm, përfshirë stabilitetin politik dhe ekonomik, cilësinë e jetës, reputacionin ndërkombëtar, diplomacinë dhe hapjen ndaj botës.
Zvicra ka marrë vlerësime të larta në pothuajse të gjitha kategoritë, duke forcuar pozicionin e saj si një nga shtetet më të respektuara në arenën globale.
Pas Zvicrës dhe Kanadasë, në listën e vendeve me perceptimin më pozitiv renditen Japonia me +34 pikë dhe Suedia me +33 pikë.
Raporti tregon gjithashtu dominimin e vendeve evropiane në krye të listës. Më shumë se dy të tretat e 15 vendeve më të vlerësuara ndodhen në Evropë, ndërsa mesatarja e vendeve të Bashkimit Evropian arrin rreth +26 pikë.
Ndërkohë, Franca dhe Mbretëria e Bashkuar janë renditur më poshtë në listë, me nga +11 pikë secila.
Në anën tjetër të klasifikimit, Shtetet e Bashkuara figurojnë ndër pesë vendet me perceptimin më negativ, me -16 pikë. Në fund të listës renditet Izraeli me -24 pikë, i ndjekur nga Afganistani dhe Koreja e Veriut me nga -19 pikë.
Rezultatet e këtij raporti konfirmojnë edhe një herë reputacionin e Zvicrës si një nga vendet më të sigurta, më të qëndrueshme dhe më të vlerësuara në botë.
KAQPATA
