Rikthimi i mundshëm i Jose Mourinhos te Real Madrid po shoqërohet me plane të qarta për rindërtimin e skuadrës, ku emri i parë në listën e tij të dëshirave është mesfushori i Manchester City, Rodri.
Sipas raportimeve të ekspertit të transferimeve Fabrizio Romano, Mourinho e sheh Rodrin si një element kyç për të rikthyer ekuilibrin dhe kontrollin në mesfushën e madrilenëve. Trajneri portugez synon të ndërtojë një strukturë më të organizuar taktike, ku mesfushori spanjoll do të kishte rol qendror në menaxhimin e ritmit të lojës.
Rodri, i konsideruar si një nga mesfushorët më të kompletuar në futbollin evropian, mbetet gjithashtu objekt interesimi për rinovim kontrate nga Manchester City, gjë që e bën të komplikuar çdo lëvizje të mundshme.
Megjithatë, raportet sugjerojnë se interesi i Real Madridit dhe ndikimi i Mourinhos mund të hapin një skenar të ri në tregun e transferimeve gjatë verës.
Në Madrid, Rodri shihet si profil ideal për të sjellë stabilitet dhe për të forcuar fazën e ndërtimit të lojës në një ekip që synon rikthimin në majat e futbollit evropian.
KAQPATA
