Presidenti i Turqisë, Recep Tayyip Erdogan, ka paralajmëruar se ndryshimet klimatike përbëjnë një kërcënim serioz për njerëzimin, duke i krahasuar pasojat e tyre me luftërat dhe pandemitë globale.
Deklaratat ai i bëri gjatë darkës gala të Forumit “Zero Mbeturina” në Stamboll, ku theksoi nevojën për ndërgjegjësim global dhe veprim të koordinuar për mbrojtjen e mjedisit.
Kritika për konsumin dhe teknologjinë
Erdogan tha se bota po përballet me një epokë ku zhvillimi i inteligjencës artificiale dhe teknologjive të reja po rrit prodhimin, ndërsa zakonet e konsumit po dëmtojnë natyrën në mënyrë të përshpejtuar.
Sipas tij, kriza klimatike nuk është më një çështje lokale, por një problem global që prek çdo shtet dhe çdo qytetar.
Rezultatet e iniciativës “Zero Mbeturina”
Duke folur për politikat mjedisore të Turqisë, presidenti turk theksoi se iniciativa “Zero Mbeturina” është shndërruar në një lëvizje me ndikim ndërkombëtar, e njohur edhe nga OKB-ja.
Ai përmendi se projektet e deritanishme kanë sjellë përfitime të mëdha ekonomike dhe mjedisore, duke përfshirë kursime të konsiderueshme të ujit, energjisë dhe hapësirës për deponi.
Sipas Erdogan, norma e riciklimit në Turqi është rritur ndjeshëm ndër vite dhe synohet që të arrijë deri në 60% në vitin 2035 dhe 70% në vitin 2053.
KAQPATA
