Avdullah Hoti ka deklaruar se më 7 qershor qytetarët e Kosovës do të vendosin për drejtimin e vendit dhe për forcimin e partneritetit euro-atlantik me Bashkimin Evropian dhe Shtetet e Bashkuara të Amerikës.
Në një postim publik, Hoti thekson se marrëveshje si Marrëveshja e Stabilizim-Asociimit dhe Marrëveshja e Uashingtonit përbëjnë bazën e orientimit strategjik të Kosovës drejt integrimeve euro-atlantike.
Ai vlerëson se këto marrëveshje janë arritur gjatë qeverive të udhëhequra nga Lidhja Demokratike e Kosovës dhe se ato, sipas tij, përfaqësojnë një trashëgimi të rëndësishme politike dhe diplomatike për shtetin e Kosovës.
Sipas Hotit, këto procese janë thelbësore për të ardhmen e vendit, pasi garantojnë orientimin e Kosovës drejt integrimit në BE dhe bashkëpunimit strategjik me SHBA-në.
Ai shton se vota e qytetarëve më 7 qershor do të jetë përcaktuese për vazhdimin ose ndryshimin e këtij kursi politik.
KAQPATA
