Këshilli Federal i Zvicrës ka njoftuar masa të reja që kufizojnë bashkimin familjar për të huajt, me qëllim integrimin më të shpejtë në tregun e punës dhe uljen e presionit ndaj sistemit social.
Tani e tutje, të huajt që dëshirojnë t’i bashkohen familjes në Zvicër, do të ftohen për këshillim karriere menjëherë pas regjistrimit në komunë. Zyra Federale për Migracionin dhe Refugjatët (BSLB) do të ketë mandat të mbledhë informacione për nivelin arsimor dhe të thërrasë individët për intervistë të detyrueshme.
Masat përfshijnë:
- Rregulla më të rrepta për lejet e qëndrimit afatshkurtër.
- Kufizime për përfituesit e papërshtatshëm të ndihmës sociale, veçanërisht qytetarë nga BE/EFTA.
- Zbatimi i praktikave të reja deri në fund të vitit 2025.
- Draft-ligji për sanksionimin e kësaj procedure pritet deri më janar 2026.
Këto masa janë pjesë e strategjisë së re të migracionit, që vjen si përgjigje ndaj presionit të partisë SVP, e cila kërkon kufizim të popullsisë në 10 milionë banorë.
KAQPATA
