Ushtria izraelite njoftoi se rreth 50 caqe u goditën gjatë natës së kaluar, shumica në Qytetin Gaza, duke e çuar totalin e sulmeve ajrore gjatë 24 orëve të fundit në 140 caqe.
Sipas forcave izraelite, objektivat përfshinin tunelet dhe ndërtesat që përdoren nga grupet terroriste, celulat operative dhe pjesë të tjera të infrastrukturës, pa dhënë detaje të hollësishme mbi ofensivën që nisi të martën.
Ndërkohë, Ministria e Jashtme e Katarit e dënoi këtë ofensivë tokësore, duke e cilësuar si “zgjatje të luftës së gjenocidit kundër popullit palestinez” dhe si shkelje flagrante të së drejtës ndërkombëtare.
Sipas një vlerësimi të ushtrisë izraelite, rreth 400,000 palestinezë janë evakuuar deri tani nga Qyteti Gaza dhe zonat përreth, ndërsa më parë rreth 1 milion banorë jetonin në këtë zonë. Para nisjes së ofensivës, ushtria izraelite kishte urdhëruar palestinezët që të zhvendoseshin në zonën jugore të enklavës, caktuar si zonë humanitare.
Situata mbetet e tensionuar ndërsa qyteti më i madh i Gazës përballet me ofensivën më të gjerë kundër Hamasit në dekada.
KAQPATA
