Shefi i policisë, Ivan Vyhivskyi, deklaroi se sulmi ishte planifikuar gjatë, ndërsa kreu rajonal i shërbimit të inteligjencës SBU, Vadym Onyshchenko, e cilësoi vrasjen si një “ekzekutim me kontratë”. Ai tha se ka të dhëna që lidhin shërbimet sekrete ruse me organizimin e krimit.
I dyshuari, një 52-vjeçar nga Lviv, u arrestua nga forcat speciale në rajonin e Khmelnytskyit. Ministri i Brendshëm Ihor Klymenko tha se plani i vrasjes ishte i detajuar, duke përfshirë studimin e lëvizjeve të viktimës dhe rrugën e arratisjes.
Parubiy, 54 vjeç, ishte një figurë kyçe në protestat e vitit 2014 që rrëzuan ish-presidentin pro-rus Viktor Yanukovich. Ai shërbeu si kryetar i parlamentit nga viti 2016 deri në 2019 dhe më herët si sekretar i Këshillit të Sigurisë Kombëtare, gjatë periudhës kur Rusia aneksoi Krimenë dhe nisi konfliktin në lindje të Ukrainës.
As Moska dhe as grupet e tjera pro-ruse nuk kanë marrë përgjegjësinë për atentatin, ndërsa palët vazhdojnë të akuzojnë njëra-tjetrën për vrasje të ngjashme gjatë luftës.
KAQPATA
