Një sulm i rëndë ka tronditur komunitetin e Grand Blanc, një periferi e Flint, Michigan, pasi disa persona janë plagosur nga të shtëna me armë në Kishën e Jezu Krishtit të Shenjtorëve të Ditëve të Mëvonshme, të dielën më 28 shtator.
Sipas Departamentit të Policisë së Grand Blanc Township, sulmuesi është vrarë dhe nuk ka më kërcënim të vazhdueshëm për publikun.
Përveç të shtënave, policia konfirmoi se kisha është aktualisht në flakë. Video të postuara nga banorët tregojnë re të dendura tymi që ngrihen nga objekti.
Autoritetet i kanë bërë thirrje publikut të shmangë zonën, ndërsa ekipet e urgjencës – policia, zjarrfikësit dhe ndihma e shpejtë – janë në vendngjarje. Numri i saktë i të plagosurve dhe natyra e plagëve të tyre nuk janë bërë ende të ditur.
KAQPATA
