Costa Blanca në Spanjë është përfshirë nga mega stuhia “Alice”, duke shkaktuar ndërprerje dhe anulime fluturimesh. Aeroporti i Alicante-Elche ka devijuar shtatë fluturime dhe ka anuluar 12 të tjera, ndërsa aeroportet e Valencias dhe Murcias raportojnë vonesa të mëdha.
Zyrtarët spanjollë kanë lëshuar paralajmërime për “rrezik të jashtëzakonshëm”, ndërsa reshjet e shiut dhe erërat e forta pritet të vazhdojnë gjatë gjithë javës. Agjencia spanjolle e motit, AEMET, ka lëshuar paralajmërime të kuqe për qytetin e Alicante, provincën e Murcias dhe ishujt Balearik.
Ministria e Jashtme e Britanisë ka paralajmëruar qytetarët që planifikojnë udhëtime drejt Spanjës për kushte të rënda të motit në bregdetin lindor. Turistët paralajmërohen të jenë të kujdesshëm dhe të ndjekin udhëzimet e autoriteteve lokale.
KAQPATA
