Prince Andrew, djali i mbretëreshës Elizabeth II, ka vendosur të heqë dorë nga titulli mbretëror pas një serie akuzash lidhur me shoqërinë e tij me Jeffrey Epstein dhe paditë për ngacmim seksual ndaj Virginia Giuffre.
Andrew ka pasur një jetë plot ngritje e ulje: nga shërbimi ushtarak dhe pjesëmarrja në luftën e Ishujve Falkland deri te miqësia e kontestuar me Epstein, e cila nxiti një vëmendje të madhe mediatike. Në vitin 2021, Giuffre e paditi princin për abuzim seksual kur ishte e mitur, duke çuar më pas në një marrëveshje civile në vitin 2022, që besohet të ketë kaluar 16 milionë dollarë.
Sipas një deklarate të Andrew, dorëheqja nga titulli ka për qëllim të mos shpërqendrojë familjen mbretërore nga detyrat e saj, duke theksuar se ai vazhdon të mohojë fuqishëm akuzat kundër tij.
Ky vendim vjen pesë vjet pas vendimit të princit për t’u tërhequr nga jeta publike, dhe pas rihapjes së disa email-eve që lidhin Andrew dhe ish-gruan e tij, Sarah Ferguson, me Epstein.
KAQPATA
