Një ngjarje e rëndë ka ndodhur në Bruklin të New Yorkut, ku 41-vjeçari Burim Havolli, me prejardhje nga Kosova, është vrarë ndërsa përpiqej të ndalonte vjedhjen e pakove në hollin e ndërtesës ku punonte si mbikëqyrës.
Sipas policisë, ngjarja u raportua rreth orës 08:00 të mëngjesit në Ocean Avenue, Flatbush. Havolli u gjet me lëndime të rënda në kokë dhe u dërgua menjëherë në Spitalin e Qarkut Kings, por nuk arriti t’u mbijetonte plagëve.
Fqinjët treguan se ai ndërhyri për të penguar një person të dyshuar që po vidhte pako nga ndërtesa. Banorët e zonës kanë shprehur shqetësim për rritjen e pasigurisë, ndërsa familjarët e përshkruan Havollin si punëtor dhe të respektuar nga komuniteti.
Policia ka marrë në pyetje një person të dyshuar, por deri tani nuk është ngritur aktakuzë. Hetimet po vazhdojnë.
KAQPATA
