Ushtarët polakë të KFOR-it, të vendosur në Komandën Rajonale Lindje, kanë kryer patrullime të pavarura përgjatë kufirit me Serbinë.
Sipas njoftimit, këto patrullime të rregullta janë thelbësore për të ruajtur një prani të dukshme në terren, për të rritur ndërgjegjësimin për situatën dhe për të mbështetur stabilitetin në rajon.
“Këto aktivitete luajnë një rol kyç në sigurimin e një mjedisi të sigurt dhe në garantimin e lirisë së lëvizjes për të gjitha komunitetet në Kosovë”, theksoi KFOR-i.
Forca ndërkombëtare ka përsëritur përkushtimin e saj për të zbatuar mandatin e dhënë nga Rezoluta 1244 e Këshillit të Sigurimit të OKB-së (1999), duke vepruar në mënyrë të paanshme dhe në çdo kohë për sigurinë e qytetarëve.
KFOR-i theksoi gjithashtu se punon ngushtë me Policinë e Kosovës dhe me EULEX-in, në kuadër të rolit të tyre përkatës për reagimin e sigurisë.
KAQPATA
