Këngëtarja dhe aktorja e njohur Jennifer Lopez ka ndarë një moment të sinqertë nga jeta e saj familjare, duke treguar se fëmijët e saj binjakë, Max dhe Emme, i kanë folur hapur për mungesën e saj si nënë gjatë viteve të angazhimeve në karrierë.
Në një intervistë për “The Howard Stern Show”, Lopez tha se biseda ndodhi gjatë pandemisë së COVID-19, kur ajo për herë të parë pati mundësinë të qëndronte më shumë në shtëpi.
“Më thanë: ‘Ti nuk je si mamat e tjera. Nuk je këtu çdo ditë, nuk na dërgon e nuk na merr nga shkolla si të tjerat,’” – rrëfeu Lopez.
Artistja 56-vjeçare tha se ishte një “zgjim shpirtëror” për të, duke kuptuar se fëmijët kishin më shumë nevojë për praninë e saj emocionale sesa për luksin që u ofronte.
“E kuptova se nuk mjafton t’u jap një jetë të mirë. Duhej të isha aty – gjithmonë,” – shtoi ajo.
Lopez pranoi se pas ndarjes nga këngëtari Marc Anthony në vitin 2011, ishte përfshirë në “hiperaktivitet pune” për të mbajtur gjithçka nën kontroll, duke menduar se çdo gjë varej vetëm prej saj.
“Kur pandemia ndodhi, kuptova që më duhej të isha më shumë në shtëpi me ta. Sot kemi marrëdhënien më të mirë që kemi pasur ndonjëherë,” – tha ajo.
Jennifer Lopez, e cila u rimartua me Ben Affleck në vitin 2022, është shpesh e parë me fëmijët e saj në ngjarje publike, darka familjare dhe evente në Broadway.
KAQPATA
