Jennifer Lopez ka treguar edhe një herë se ruan marrëdhënie të mira me familjen e ish-bashkëshortit të saj, Ben Affleck. Këngëtarja u pa duke shijuar një drekë të shtunën së bashku me djalin 13-vjeçar të Affleck, Samuel, dhe vajzën e saj, Emme.
Lopez shkëlqeu me një crop top të bardhë dhe pantallona të zeza me bel të ulët, ndërsa fëmijët e shoqëronin gjatë daljes. Samuel dukej i thjeshtë në një bluzë sportive dhe pantallona të shkurtra, teksa ecte pas saj.
Kjo dalje vjen vetëm pak muaj pas divorcit të Lopez dhe Affleck, por duket se të dy kanë zgjedhur të ruajnë raporte të shëndetshme për hir të fëmijëve. Së fundmi, ata janë parë edhe në aktivitete të përbashkëta familjare, duke dëshmuar përkushtim për të mbajtur stabilitet në jetën e fëmijëve të tyre.
Ndërkohë, Samuel po kalon një fundjavë të ngarkuar, pasi një ditë më parë ishte parë në Los Angeles me babanë e tij, nënën Jennifer Garner dhe gjyshen nga ana e babait.
Edhe pse Lopez nuk është më pjesë formale e familjes, ajo po tregon se roli i saj si ish-njerkë mbetet i rëndësishëm.
KAQPATA
