Përgjatë dekadave, mënyrat se si dëgjojmë muzikën kanë evoluar thelbësisht, duke ndryshuar jo vetëm përvojën e dëgjuesve, por edhe mënyrën se si artistët krijojnë muzikë.
Cilindrat e fonografit – Në vitin 1878, Thomas Edison mori patentën për fonografin, një pajisje që regjistronte dridhjet e tingullit në një cilindër prej metali të mbështjellë me fletë. Këto cilindra prej dylli ishin të pari që mundësuan regjistrimin masiv të tingullit, edhe pse cilësia ishte primitive dhe zëri tingëllonte i gërvishtur.
Disket e gramafonit – Emile Berliner dhe Eldridge R. Johnson zhvilluan idenë e regjistrimit në disqe të sheshta. Disqet prej shellac-i, të luajtura nga makinat Victrola, u bënë standardi i industrisë dhe për herë të parë konsumatorët mund të krijonin koleksione muzikore.
Vinilët – Në vitet 1940 lindën vinilët 12- dhe 7-inç, më lehtë dhe më ekonomikë për transport dhe prodhim. Kjo hapje mundësi për muzikantët e rinj, veçanërisht me singlet e 7-inç, që mund të dërgoheshin dhe regjistroheshin me kosto minimale.
Kasetat 8-track dhe audio kasetat – 8-track-tet, popullore në vitet 1970, ofronin komoditet, por me kufizime në rifillimin e këngëve. Kasetat kompakte sollën një epokë “DIY” në dëgjimin dhe krijimin e muzikës. Walkman-i i Sony-t, i prezantuar në 1979, revolucionarizoi përvojën personale me kufje, duke ofruar një lidhje intime me muzikën.
VHS/Betamax dhe videot muzikore – Në vitet 1970 u shfaqën formatet shtëpiake të videos, duke përfshirë VHS dhe Betamax. Shfaqja e videove muzikore dhe MTV-ja ndryshuan mënyrën se si perceptohej muzika, duke e bërë vizualen po aq të rëndësishme sa tingulli.
CD-të – Në vitet 1980, diskët kompakt u bënë format dominues, me cilësi të qartë të tingullit dhe kapacitet më të madh për muzikë. Kjo ndikoi në mënyrën e krijimit të albumeve dhe zgjerimin e përmbajtjes së tyre, duke mundësuar deri në 75-80 minuta muzikë për një disk.
Teknologjia muzikore ka përcaktuar jo vetëm si dëgjojmë muzikën, por edhe si ajo krijohet dhe përjetohet, duke reflektuar ndryshimet kulturore dhe teknologjike gjatë shekujve.
Burimi: History.com
KAQPATA
