Reperi i njohur French Montana, 40 vjeç, është fejuar me princeshën e Dubait, Sheikha Mahra bint Mohammed bin Rashid Al Maktoum. Çifti shpalli fejesën gjatë Paris Fashion Week në qershor, ku Montana bëri edhe debutimin e tij në pasarelë.
Sipas përfaqësuesve të tyre, përgatitjet për dasmën tashmë kanë nisur, megjithëse data ende nuk është caktuar. Familjet e të dyve raportohet të jenë të lumtura dhe mbështetëse për këtë bashkim.
French dhe Sheikha Mahra nisën të përfliteshin për lidhje në tetor 2024, kur princesha e shoqëroi reperin gjatë një vizite në Dubai. Ata u shfaqën publikisht si çift këtë verë, duke marrë pjesë së bashku në disa evente të modës në Paris.
Sheikha Mahra, 31 vjeç, është vajza e sundimtarit të Dubait dhe ka diplomë në marrëdhënie ndërkombëtare. Ajo ka qenë më parë e martuar me biznesmenin Sheikh Mana Al Maktoum, me të cilin ka një vajzë. Pas divorcit të bujshëm në vitin 2024, princesha nisi edhe markën e saj të parfumit “Mahra M1”.
Kjo do të jetë martesa e dytë për Mahra dhe e para për reperin, i cili më herët është lidhur me emra të njohur si Khloé Kardashian dhe Iggy Azalea.
KAQPATA
