Kanë kaluar dy vite nga sulmi i armatosur në Banjskë, ku militantë terrorist serbë me mbështetje të nga struktura në Serbi ushtruan dhunë ndaj autoriteteve kosovare dhe komuniteteve lokale. Megjithëse hetimet e Prokurorisë së Kosovës kanë identifikuar udhëheqës dhe pjesëmarrës kryesorë, përfshirë Milan Radoiçiç, zbatimi i përgjegjësisë penale mbetet i mangët.
Autoritetet dhe analistët ndërkombëtarë kritikojnë Bashkimin Evropian për mosveprim të mjaftueshëm për të detyruar Beogradin që të ekstradojë të dyshuarit dhe të sigurojë drejtësi. Megjithë kërkesat e përsëritura për bashkëpunim ligjor dhe dorëzim provash, aktorët kyç në Serbi vazhdojnë të mbrohen nga sistemi i drejtësisë, duke lejuar që grupet paramilitare dhe lidhjet kriminale të funksionojnë me hapësirë veprimi të papenguar.
Kjo situatë hedh hije mbi angazhimin e BE-së në Ballkanin Perëndimor dhe ngrit pyetje për seriozitetin e saj në përballimin e krimeve me motiv politik dhe ndikimeve destabilizuese. Ndërsa dy vite kanë kaluar nga sulmi, viktimat dhe komuniteti lokal vazhdojnë të presin drejtësi, ndërsa mungesa e presionit efektiv nga partnerët ndërkombëtarë, sipas ekspertëve, dërgon mesazhin se impuniteti mund të mbetet i paprekshëm.
Analistët paralajmërojnë se kjo pasivitet i Bashkimit Evropian dhe mungesa e veprimeve konkrete ndaj Serbisë dhe presidentit Vuçiç jo vetëm që minon besimin në drejtësinë ndërkombëtare, por edhe rrit rrezikun për përshkallëzim të tensioneve në veri të Kosovës dhe në të gjithë rajonin.
Hetimi i pavarur ndërkombëtar, presion i drejtpërdrejtë ndaj Beogradit për ekstradim dhe bashkëpunim ligjor, si dhe monitorim i vazhdueshëm nga mekanizmat evropianë mbeten të domosdoshme për të shmangur përsëritjen e ngjarjeve që minojnë stabilitetin dhe sigurinë në Kosovë.
KAQPATA
