Aktorja e njohur amerikane, Blake Lively, ka marrë vëmendjen e mediave me paraqitjen e saj në një event të “Glossy Pop N.Y.C.”, mbajtur në Fashion Institute of Technology në Nju Jork.
Lively, 38 vjeçe, u shfaq me një veshje të guximshme – një bluzë transparente në stil zinxhir kafe, të kombinuar me fund plise dhe xhaketë në të njëjtën ngjyrë. Ajo kompletoi dukjen me çizme kamoshi ngjyrë kafe dhe një çantë elegante me motive gjeometrike.
Eventi kishte në qendër markën e saj “Blake Brown”, të themeluar në vitin 2024, e cila fokusohet në kujdesin për flokët dhe aromat trupore. Në fjalën e saj, aktorja falënderoi sipërmarrësen Katie Sturino për mbështetjen dhe theksoi rëndësinë e forcimit të grave në biznes.
Ndërkohë, bashkëshorti i saj, Ryan Reynolds, 48 vjeç, ishte në Toronto për Festivalin Ndërkombëtar të Filmit, ku mori pjesë në premierën e dokumentarit “John Candy: I Like Me”, të cilin ai e ka bashkë-produkuar.
Ky dokumentar, që do të publikohet më 10 tetor në Prime Video, sjell rrëfime ekskluzive nga miqtë dhe kolegët e aktorit të ndjerë John Candy, përfshirë Steve Martin dhe Macaulay Culkin.
Daljet publike të çiftit vijnë në një kohë kur Lively është në fokus të mediave edhe për shkak të një beteje ligjore me producentin Justin Baldoni, ndërsa mohoi zërat për një thirrje gjyqësore ndaj gazetares Megyn Kelly.
KAQPATA
