Modelja e njohur shqiptare, Arbenita Ismajli, ka bërë një rrëfim të gjatë në rrjete sociale, ku ka akuzuar ish-partnerin e saj, reperin Fero, për dhunë, abuzim me substanca narkotike dhe mungesë përgjegjësie ndaj vajzës së tyre.
Në postimin e saj në Instagram, Arbenita deklaron se për një kohë të gjatë ka heshtur për hir të vajzës, por tani ka vendosur të ndajë përvojën e saj. Ajo përmend episode të dhunës fizike e psikologjike, tradhti gjatë lidhjes, probleme financiare dhe manipulime ligjore.
Ndër akuzat e saj më të rënda, Arbenita pretendon se reperi ka abuzuar me kokainë, se ajo ka financuar rehabilitimin e tij dhe se zotëron prova për përfshirjen e tij në shitjen e drogës. Gjithashtu, ajo tregon se është përballur me dhunë fizike edhe në prani të fëmijës dhe familjarëve.
Modelja pohon se ka marrë kujdestarinë e plotë të vajzës pas një vendimi të gjykatave amerikane dhe kosovare, ndërsa thekson se ndaj Feros ekzistojnë edhe urdhra arresti të cilët, sipas saj, nuk janë ekzekutuar ende.
“Unë po përpiqem ta mbroj vajzën time nga gjithë kjo çmenduri. Po të ishte baba i mirë, do të sillej me respekt dhe do të kishim marrëdhënie normale 50/50”, ka shkruar Arbenita.
Ajo përfundoi rrëfimin me një mesazh për gratë që përjetojnë situata të ngjashme: të qëndrojnë të forta dhe të mos dorëzohen përballë dhunës dhe manipulimit.
“Ai ka të drejtë, historia e tij nuk është treguar kurrë, sepse nuk kam dashur që vajza ime dhe të tjerët ta shohin si përbindësh.
Por tani po e tregoj unë disa nga të vërtetat:
1. Ka abuzuar me kokainë (madje ia kam paguar rehabilitimin dhe sërish është kthyer tek ajo).
2. Më ka tradhtuar disa herë gjatë lidhjes, edhe kur isha shtatzënë.
3. Nuk ka pasur të ardhura të qëndrueshme, as nuk ka ndihmuar financiarisht për vajzën tonë.
4. Nuk ka ofruar kurrë mbështetje emocionale, mendore apo shpirtërore për fëmijën tonë.
5. Më ka goditur ndërkohë që mbaja vajzën në krahë, në prani të nënës sime.
6. Është përleshur vazhdimisht me të tjerët, ka qenë disa herë në burg, edhe për shkak të muzikës apo personave që frekuenton.
7. Kam prova që shet drogë – çfarë shembulli është ky për një fëmijë?
8. Nuk është në gjendje të kujdeset për veten – ende fle tek nëna e tij.
9. Ka refuzuar të ndahet ligjërisht, edhe pse kemi qenë të ndarë për tre muaj me radhë.
10. Gjatë gjithë lidhjes, çdo gjë e kam paguar unë – shtëpinë, ushqimin, makinat, rrobat, kujdesin për vajzën, sidomos gjatë pandemisë.
11. E përdor vajzën si armë hakmarrjeje, luan rolin e viktimës dhe gënjen në gjykatë.
12. Nuk njeh kufijtë personalë – fakti që kemi një fëmijë bashkë nuk i jep të drejtë të më kontrollojë.
13. Shfaqet pa paralajmërim në vendet ku ndodhem.
14. Ka qenë në dijeni të të gjitha udhëtimeve dhe shpërnguljeve që kemi bërë me vajzën.
15. Pasi nuk i pëlqeu që nuk jetojmë në Kosovë, filloi të më pengonte në karrierë duke ndryshuar termat e kujdestarisë.
16. Në shtator 2023 dha një deklaratë të rreme në gjykatë dhe mori përkohësisht kujdestarinë.
Por vendimi u shpall i paligjshëm, dhe më është kthyer kujdestaria e plotë si nga gjykatat amerikane, ashtu edhe ato të Kosovës.
17. Pa aprovimin tim, e çoi vajzën në shërbimet sociale, me qëllim që të ndryshonte marrëveshjen.
18. Ka ushtruar presion psikologjik dhe fizik, madje më ka puthur me forcë dhe ka kërcënuar familjen time – që cilësohet si sulm seksual dhe dhunë.
19. Ka qenë xheloz për mua edhe pas ndarjes.
20. Papritur “u bë fetar” vetëm që të dukej si person i moralshëm, por gënjen që nuk më ka dhunuar – kam prova për këtë.
21. Ka falsifikuar një video sikur unë jam “gërryese parash” (gold digger).
22. Telefoni që përdor është nën emrin tim – më ka vjedhur gjëra dhe më ka borxh mbi 50,000 euro që s’i ka kthyer kurrë.
23. Ka shtyrë për më shumë se një vit procesin e divorcit, dhe ndërkohë më ka lutur të kthehemi bashkë, me qëllim të më frikësojë.
24. Në intervistat që ka dhënë, ka bërë akuza të rreme dhe gënjeshtra publike.
25. Unë po përpiqem ta mbroj vajzën time nga gjithë kjo çmenduri.
Po të ishte me të vërtetë baba i mirë, do të sillet me respekt dhe do të kemi marrëdhënie normale 50/50.
26. Ka deklaruar publikisht që do ma rrëmbejë vajzën dhe do ta rrisë vetë – kjo është e frikshme.
27. Kam ngritur disa padi ndaj tij, dhe ka urdhër arresti në emrin e tij – por policia nuk po vepron.
28. E ka përdorur vajzën për t’u dukur si baba i mirë në media, por e ka detyruar stafin të gënjejë, duke e frikësuar dhe traumatizuar vajzën.
29. Kur është me të, nuk e nxjerr as në park – vetëm në studio.
30. Ka nënshkruar marrëveshje për kujdestari të përbashkët, por tani thotë që s’e pranon.
31. Mesazh për të gjitha gratë që po kalojnë të njëjtën gjë: Mos u dorëzoni!
Në fillim duket sikur po humbni, por qëndroni të forta.
Ju keni shpëtuar nga burra toksikë dhe të dhunshëm.
Mos e ktheni kokën pas, asnjëherë”.
KAQPATA
