Prokuroria Themelore në Gjakovë ka ngritur aktakuzë ndaj G.B., i dyshuar për shitblerje dhe shpërndarje të substancave narkotike. Sipas aktakuzës, më 8 shtator 2025, rreth orës 17:55, në fshatin Ponoshec, i pandehuri është ndalur nga patrulla kufitare SPMK-Ponoshec ndërsa po udhëtonte me një veturë me targa nga Shqipëria.
Gjatë kontrollit të automjetit, policia ka ndier aromë të dyshimtë që lidhet me substanca narkotike. Pavarësisht deklarimit të të pandehurit se nuk kishte asgjë ilegale, njësia K9 ka zbuluar dy qese me marihuanë të fshehura në bagazh me peshë totale 998.7 gram, si dhe një qese tjetër prej 1.52 gram nën plastikën e fshesave të automjetit. E gjithë sasia është sekuestruar nga policia.
Sipas Prokurorisë, G.B. dyshohet se ka kryer veprën penale blerja, posedimi, shpërndarja dhe shitja e paautorizuar e narkotikëve, të parashikuar në nenin 267, paragrafi 2 i Kodit Penal të Republikës së Kosovës. Prokurori i çështjes ka kërkuar që i pandehuri të shpallet fajtor dhe të dënohet sipas ligjit.
KAQPATA
