Kryetari i Aleancës për Ardhmërinë e Kosovës, Ramush Haradinaj, ka thënë se data më e mirë për mbajtjen e zgjedhjeve është 21 dhjetori.
Në një konferencë për media pas takimit me presidenten Vjosa Osmani, ai tha se mbajtja e zgjedhjeve më 28 dhjetor është një ofendim për qytetarët pasi të gjithë janë në pushime dimërore.
“Është ofendim me ju shpall zgjedhjet qytetarëve më 28 dhjetor në periudhën e pushimeve, nuk kemi asnjë arsye që zgjedhjet t’i mbajmë më 28 dhjetor. Mbajtja e zgjedhjeve më 21 dhjetor është datë e arsyeshme. AAK-ja ka në këto zgjedhje do të shkojë vetëm”, ka thënë Haradinaj.
I njëjti ka pohuar se AAK-ja e ka dhënë maksimumin për të ndihmuar në formimin e institucioneve të reja për vendin, transmeton Klankosova.tv.
“Ka qenë një maratonë e bartjes së fajit për këta gjashtë muaj të humbur, edhe di sa është bërë përpjekje për t’ia hedhur fajin njëri-tjetrit. Më duhet të tregoj se kemi qenë të varur nga qëndrimet e Albin Kurtit dhe LVV-së, ne nuk kem pasë se si të marrim veprime tjera pa i konsumuar veprimet e tyre. Disa na kanë kritikuar kur e kemi votuar kryetarin për Kuvend e kemi bërë në interes për t’i fituar kohë vendit”.
“Mendoj që qytetari e lexon drejt, pra ai që ka fituar më shumë në zgjedhje nuk është sjellur me përgjegjësi. AAK-ja ka dhënë emra për nënkryetar Kuvendi, kemi votuar pas asnjë marrëveshje politike. Duke qenë kështu më lejoni edhe një herë t’i ftojë qytetarët e vendit të votojnë AAK-në”,ka thënë Haradinaj.
KAQPATA
