Thesari i Shteteve të Bashkuara vendosi sanksione ndaj anëtarëve të familjes shqiptare Hysa në Meksikë, të akuzuar për përdorimin e perandorisë së kazinove dhe restoranteve për shpëlarjen e parave të kartelit meksikan Sinaloa.
Sipas zyrtarëve amerikanë, grupi i krimit të organizuar Hysa (HOCG) ka përdorur biznese të ndryshme për të pastruar para nga trafiku i narkotikëve dhe ka bashkëpunuar ngushtë me kartelin. Në listën e zezë janë futur 27 individë dhe entitete, përfshirë Luftar, Arben, Ramiz, Fatos dhe Fabjon Hysa.
Çdo aset i tyre në SHBA ose që përdor sistemet financiare amerikane është i bllokuar, dhe individët apo kompanitë amerikane nuk mund të bëjnë biznes me ta pa licencë. Qëllimi i sanksioneve është të ndalojë pastrimin e parave të drogës dhe të dërgojë një mesazh të qartë për përgjegjësinë e mbështetësve të karteleve.
Familja Hysa ka mohuar publikisht çdo lidhje me krimin e organizuar, por Thesari amerikan thekson bashkëpunimin e tyre me kartelin Sinaloa dhe përdorimin e kompanive në Evropë dhe Meksikë për transfertat e parave të gatshme.
KAQPATA
