Ish-anëtari i Shtabit të Përgjithshëm të UÇK-së, Xhavit Haliti, ka publikuar një procesverbal nga një takim i vitit 1998 mes Ibrahim Rugovës dhe diplomatit amerikan Strobe Talbott, ku përmendet Ushtria Çlirimtare e Kosovës.
Haliti tha se Rugova, Veton Surroi dhe Fehmi Agani kishin folur keq për UÇK-në gjatë një vizite në SHBA, duke e akuzuar Fatos Nanon si ekstremist që po financonte grupet e armatosura në Kosovë.
Në dokument, Rugova citohet t’i ketë përshkruar grupet e UÇK-së si “shumë grupe të frustruara” që regjimi i Millosheviqit po i përdorte si arsye për masakra. Ai njëkohësisht kishte kërkuar ndërhyrje të menjëhershme të SHBA-së për të ndalur një katastrofë të përgjithshme në Kosovë.
Deklaratat e Halitit kanë sjellë reagime. Veton Surroi tha se delegacioni që u takua me presidentin Bill Clinton kishte mbrojtur kauzën e Kosovës dhe kërkuar mbrojtje vendimtare amerikane, duke mohuar çdo përgojim.
KAQPATA
