Massimiliano Allegri ka rikthyer stabilitetin dhe disiplinën taktike te Milani, duke arritur një ecuri që skuadra nuk e kishte përjetuar gjatë gjithë sezonit të kaluar. Kuqezinjtë kanë shënuar tre fitore rresht në Serie A pa pësuar asnjë gol, një arritje që as Paulo Fonseca e as Sergio Conceiçao nuk ia dolën ta realizonin.
Pas humbjes në ndeshjen hapëse kundër Cremoneses, Milani reagoi fuqishëm me fitore ndaj Lecce-s (0-2), Bolognas (1-0) dhe Udineses (0-3). Ky progres e ka vendosur skuadrën në një pozitë të fortë në garën për titull, duke grumbulluar 9 pikë dhe duke treguar një mbrojtje solide.
Edhe pse Allegri ishte i pezulluar në sfidën e fundit, ai u raportua se i ka dhënë udhëzime të vazhdueshme lojtarëve, duke u fokusuar në ruajtjen e ekuilibrit mbrojtës edhe në momente kur Milani kishte epërsi bindëse.
Filozofia e tij e bazuar në disiplinë dhe organizim duket se po funksionon, duke ndërtuar një bazë të fortë për suksesin e skuadrës. Statistikat e Serie A tregojnë se në 17 nga 18 sezonet e fundit, kampionatin e ka fituar skuadra me mbrojtjen më të fortë – dhe Milani i Allegrit është në rrugën e duhur për ta ndjekur këtë traditë.
KAQPATA
