Policia serbe përdori gaz lotsjellës dhe granata shoku në kampusin e universitetit në Novi Sad për të shpërndarë mijëra protestues që kërkonin zgjedhje të parakohshme, duke shpresuar të rrëzonin presidentin Aleksandar Vuçiç dhe Partinë Progresive Serbe (SNS).
Protestuesit, kryesisht studentë dhe grupe opozitare, mbanin pankarta me mbishkrime si: “Nuk duam bllokime, duam zgjedhje” dhe “Studentët kanë një kërkesë urgjente: Thirrni zgjedhje.” Skena u tensionua kur disa protestues hodhën fishekzjarre dhe përplasën me policinë, e cila reagoi me gaz lotsjellës dhe granata shoku.
Protestat e vazhdueshme në Serbi, duke përfshirë bllokimin e universiteteve shtetërore, u nxitën nga rrëzimi i çatisë në një stacion hekurudhor të rinovuar, ngjarje që shkaktoi vdekjen e 16 personave në nëntor të kaluar. Protestuesit kanë akuzuar qeverinë për korrupsion dhe lidhje me krimin e organizuar, kërkojnë ndryshim qeverie dhe zgjedhje të parakohshme.
Nebojsa Korac, një nga protestuesit, tha: “Zgjidhja është të thirren zgjedhje. Ne duam që paqja dhe demokracia të mbizotërojnë dhe institucionet politike të bëjnë detyrën e tyre.”
KAQPATA
