Reperja amerikane Bhad Bhabie (Danielle Bregoli) u bë e famshme në moshën 13-vjeçare pas paraqitjes në emisionin “Dr. Phil”, ku lindi fraza virale “Cash me outside”. Shpejt pas kësaj, ajo u fut në industrinë e muzikës, duke hyrë në Billboard Hot 100 me hitin “These Heauxs” dhe duke themeluar labelin e saj në vitin 2021.
Por pas suksesit fshihet një histori e errët. Marrëdhëniet e tensionuara me nënën, akuzat për abuzim në kampin rehabilitues Turn-About Ranch, problemet me shëndetin mendor dhe varësinë, e kanë shoqëruar gjatë gjithë karrierës. Në vitin 2020 ajo u dërgua në rehabilitim, ndërsa më vonë pranoi se vuante edhe nga trauma e hershme familjare.
Bhad Bhabie ka përjetuar ngjarje tronditëse: gjatë qëndrimit të saj në kamp, një tjetër i mitur vrau një punonjës; në vitin 2023 ajo shpëtoi nga një aksident i rëndë automobilistik; ndërsa në 2024 publikoi video ku shihej e dhunuar nga partneri i saj, Le Vaughn. Po atë vit, ajo njoftoi se ishte diagnostikuar me kancer, duke iu përgjigjur kritikëve për rënien në peshë.
Edhe pse shpesh është përballur me kritika dhe paragjykime si “meme” e internetit, Bhad Bhabie ka ndarë me ndjekësit betejat e saj personale, duke treguar anën më të vështirë të jetës përtej famës.
KAQPATA
