Një sulm i armatosur brenda kishës së shkollës katolike Annunciation në Minneapolis ktheu meshën e parë të vitit shkollor në tragjedi. Dy fëmijë, 8 dhe 10 vjeç, humbën jetën, ndërsa disa të tjerë u plagosën.
Policia bëri të ditur se autori, një ish-nxënës i shkollës, kishte hyrë i armatosur dhe qëlloi nga dritaret e kishës. Sulmi përfundoi me vetëvrasjen e tij brenda godinës.
Prindërit dhe nxënësit e mbijetuar treguan momentet e frikshme kur u detyruan të fshiheshin nën banka. “Mësuesit dhe fëmijët u treguan heroikë, duke mbrojtur njëri-tjetrin”, tha drejtori i shkollës.
Kryepolici i Minneapolis, Brian O’Hara, deklaroi se “pa ndërhyrjen e shpejtë të stafit dhe policisë, tragjedia mund të kishte qenë edhe më e madhe.”
Ngjarja ka sjellë valë reagimesh për forcimin e sigurisë në shkolla dhe rritjen e kujdesit për shëndetin mendor të të rinjve.
KAQPATA
