Aktori i njohur hollivudian Brad Pitt ka thënë se aktorët e rinj e përjetojnë procesin e aktrimit me më shumë lehtësi dhe entuziazëm sesa gjenerata e tij. Gjatë një paraqitjeje në podkastin “New Heights”, ai u shpreh se brezi i tij ishte “më i tensionuar” dhe shumë më i përqendruar vetëm te aktrimi.
“Më pëlqen të shoh se çfarë sjellin brezat e rinj. Më duket se ata e shijojnë më shumë. Ne ishim pak më të tensionuar dhe duhej të përqendroheshim fort te aktrimi”, tha Pitt, i cili tani është 61 vjeç.
Pitt aktualisht po luan përkrah Damson Idris në filmin e ri “F1”, ku të dy kanë punuar nën udhëheqjen dhe mbështetjen e ish-kampionit të Formula 1, Sir Lewis Hamilton, i cili është edhe producent ekzekutiv i projektit.
Damson Idris, 33 vjeç, tha për BBC 1Xtra se ndihma dhe përkrahja nga Hamilton ishin thelbësore për ndërtimin e një atmosfere reale dhe dinamike gjatë xhirimeve.
“Lewis solli atë energji në set që na rikujtoi sa autentik është ky projekt. Ai është vëllai im dhe të shihja se si luante ishte e mahnitshme”, tha Damson.
Megjithatë, Idris pranoi se skenat e aksionit ishin tejet sfiduese për të, pavarësisht përvojës së aktorëve dhe mbështetjes së ekipit.
Pitt ndërkohë shtoi se megjithëse të rinjtë sjellin freski dhe entuziazëm, disa prej tyre kanë prirje të obsesionohen me ide si udhëheqja e serive filmike, gjë që mund të bëhet e pashëndetshme për karrierën.
Filmi “F1”, që pritet të debutojë së shpejti, është një nga prodhimet më të mëdha të vitit dhe vjen me një kast yjesh dhe përfshirje të drejtpërdrejtë të një prej figurave më ikonike të sportit motorik – Lewis Hamilton.
KAQPATA
