Pas sulmeve ajrore ndaj objekteve bërthamore iraniane gjatë konfliktit 12-ditor me Izraelin, Këshilli i Gardës në Iran ka miratuar pezullimin e bashkëpunimit me Agjencinë Ndërkombëtare për Energjinë Bërthamore (IAEA). Kjo lëvizje vjen pas vendimit të njëanshëm të Parlamentit iranian, i cili e kaloi projektligjin me 221 vota pro dhe asnjë kundër.
Vendimi përfundimtar pritet të merret nga Këshilli Suprem i Sigurisë Kombëtare, nën mbikëqyrjen e liderit suprem, Ali Khamenei. Zyrtarët iranianë kërkojnë garanci ndërkombëtare për sigurinë e shkencëtarëve dhe objekteve bërthamore para se të rikthejnë bashkëpunimin me IAEA-n.
“Organizata për Energjinë Atomike e Iranit do të pezullojë bashkëpunimin deri sa të garantohet siguria. Programi ynë paqësor do të ecë më shpejt,” deklaroi kryetari i Parlamentit, Mohammad Baqer Qalibaf.
Sulmet izraelite më 13 qershor dhe goditjet e mëvonshme amerikane ndaj qendrave në Fordo, Natanz dhe Isfahan, u pasuan nga një armëpushim i brishtë i ndërmjetësuar nga SHBA më 24 qershor. Teherani ka akuzuar IAEA-n për anshmëri dhe heshtje ndaj sulmeve.
Pezullimi i bashkëpunimit nënkupton ndaljen e inspektimeve dhe transparencës sipas Traktatit për Mospërhapjen e Armëve Bërthamore (NPT), duke rritur tensionet me Perëndimin.
KAQPATA
