Një armëpushim mes Izraelit dhe Iranit, i shpallur nga presidenti Donald Trump, duket se ka dështuar brenda pak orësh. Izraeli ka akuzuar Iranin për shkelje të marrëveshjes dhe ka nisur sulme të ashpra ndaj objektivave në zemër të Teheranit.
Pas njoftimit të armëpushimit nga Trump, ushtria izraelite raportoi se ka interceptuar raketa të lëshuara nga Irani në drejtim të veriut të Izraelit. Paraprakisht, një sulm raketor iranian në jug të Izraelit ka vrarë të paktën katër persona dhe ka plagosur të tjerë.
Ministri izraelit i mbrojtjes, Israel Katz, ka urdhëruar sulme të fuqishme kundër objektivave iraniane në kryeqytetin Teheran si përgjigje ndaj shkeljes së armëpushimit.
Ndërkohë, media shtetërore iraniane njofton se Trump ka kërkuar armëpushimin “në mënyrë të lutjes”, ndërsa Izraeli thotë se ka eliminuar figura kyçe ushtarake dhe shkencore në Iran gjatë sulmeve të fundit.
Situata mbetet e tensionuar dhe të dyja palët paralajmërojnë kundërpërgjigje të mundshme, ndërsa bota ndjek me vëmendje zhvillimet në Lindjen e Mesme.
KAQPATA
