Instituti Hidrometeorologjik i Kosovës (IHMK) ka njoftuar se sot pritet të mbajë mot me diell dhe temperatura të larta në tërë territorin e vendit.
Sipas IHMK-së, temperaturat minimale do të sillen nga 10°C deri në 14°C, ndërsa ato maksimale do të arrijnë nga 28°C deri në 32°C. Era do të fryjë nga drejtimi i veriperëndimit, me shpejtësi të lehtë prej 1 deri në 3 metra në sekondë.
Apel për kujdes ndaj ekspozimit në diell
Instituti apelon për kujdes të shtuar ndaj rrezeve UV, veçanërisht për fëmijët, të moshuarit dhe ata me probleme shëndetësore që preken lehtë nga temperaturat ekstreme.
“Rekomandohet shmangia e ekspozimit në diell në orët e mesditës, konsumimi i lëngjeve dhe veshja me rroba të lehta dhe të hapura në ngjyrë”, thuhet në njoftimin zyrtar të IHMK-së.
Meteorologët paralajmërojnë se java pritet të vijojë me kushte të ngjashme, ndaj qytetarët inkurajohen të marrin masa parandaluese për të shmangur problemet shëndetësore që lidhen me vapën dhe dehidratimin.
KAQPATA
