Politika holandeze është futur në një periudhë të pasigurt pas tërheqjes së papritur të liderit të ekstremit të djathtë, Geert Wilders, nga koalicioni qeverisës. Lëvizja e tij ka sjellë rënien e menjëhershme të qeverisë dhe ka hapur rrugën për zgjedhje të parakohshme që pritet të mbahen në muajin tetor.
Geert Wilders, udhëheqësi i Partisë për Liri (PVV), njoftoi largimin e partisë së tij nga koalicioni për shkak të mosmarrëveshjeve të thella mbi politikat e emigracionit – një temë për të cilën ai ka mbajtur qëndrime të ashpra prej vitesh.
Kryeministri Dick Schoof dha dorëheqjen menjëherë pas këtij vendimi, duke deklaruar se “koalicioni nuk mund të funksionojë më në kushte mosbesimi të ndërsjellë”.
Wilders, i cili është përpjekur disa herë më parë të arrijë postin e kryeministrit, e ka cilësuar largimin si një “hap të domosdoshëm” për të ndjekur një rrugë të re politike dhe për të “qeverisur pa kompromise”.
Kriza ka shkaktuar reagime të forta brenda dhe jashtë vendit, me liderë të tjerë europianë që kanë shprehur shqetësimin për rritjen e ndikimit të forcave populiste dhe të ekstremit të djathtë në politikën e BE-së.
Ndërkohë, analistët politikë parashikojnë një fushatë të tensionuar zgjedhore, ku çështjet e emigracionit, sigurisë dhe integrimit europian do të jenë temat kryesore.
KAQPATA
