Rreth 350 mijë palestinezë janë evakuuar nga Gaza City të martën, sipas ushtrisë izraelite, në ditën e parë të një ofensive të re tokësore për të marrë kontrollin e qytetit të shkatërruar, që Izraeli e quan “qendër kryesore të pushtetit të Hamasit”.
Banorët raportuan për bombardime të rënda në qytet që nga mëngjesi i së martës. Sipas spitaleve lokale, të paktën 69 persona kanë humbur jetën.
“Ka qenë një natë shumë e vështirë në Gaza. Bombardimet nuk janë ndalur asnjë çast,” tha Dr. Mohamed Abu Selmiya, drejtor i Spitalit Shifa.
Ndërkohë, kryeministri izraelit Benjamin Netanyahu, në një takim me komandantët ushtarakë në Tel Aviv, deklaroi se një nga prioritetet kryesore të IDF mbetet evakuimi i plotë i popullsisë së qytetit.
“Po përpiqemi të hapim rrugë shtesë për të lehtësuar evakuimin e shpejtë të popullatës, në mënyrë që të ndahen nga terroristët që duam të godasim,” u shpreh Netanyahu.
KAQPATA
