Një artikull nga WebMD i publikuar më 24 qershor 2025, sjell një listë me 13 frikëra të zakonshme që shumica e njerëzve përjetojnë në një moment të jetës. Këto ndjesi janë shpesh të lidhura me instinktet tona primitive, reagime emocionale ose përvoja personale.
1. Rrëshqitëset e mëdha (Roller Coasters)
Edhe pse nuk jemi më duke ikur nga grabitqarët, truri ynë ende reagon ndaj adrenalinës. Rrëshqitëset rikthejnë atë ndjesi rreziku, por në mënyrë të kontrolluar.
2. Filmat horror
Disa njerëz nuk i shohin vetëm për frikë, por edhe për emocionin që shkaktojnë. Disa studime sugjerojnë se ndjenjat pozitive dhe negative mund të përjetohen njëkohësisht.
3. Kllounët
Fytyra e tyre është “thuajse normale”, por jo krejtësisht, dhe kjo ndjesi e çuditshme ngjall parehati.
4. Lartësitë
Frika nga lartësitë është natyrale, por kur bëhet aq e madhe sa ndikon në jetën e përditshme, ajo kthehet në fobi.
5. Udhëtimi me avion
Quhet aviophobia. Mund të lindë pas një ngjarjeje të rëndësishme personale dhe shoqërohet me atake paniku.
6. Merimangat
Edhe nëse e dimë se nuk janë të rrezikshme, ndjenja e diçkaje që na ngjitet në trup është mjaft frikësuese.
7. Gjarpërinjtë
Një shkop në formë të lakuar mund të shkaktojë reagim të menjëhershëm – një mbrojtje instinktive nga amigdala.
8. Dentisti
Frika nga dhimbja, ndjesia e humbjes së kontrollit, apo edhe fatura, mund ta bëjnë këtë një përvojë ankthioze. Quhet odontophobia.
9. Gjilpërat
Mund të shkaktojnë marramendje ose të fikët. Kjo frikë, e njohur si blood-injection-injury phobia, prek deri në 10% të të rriturve.
10. Zhurmat e papritura
Një zhurmë e fortë mund të shkaktojë reagim të menjëhershëm trupor dhe tension të muskujve – një refleks mbijetese.
11. Peshkaqenët
Edhe pse rreziku real është i vogël, frika është e madhe sepse truri ynë përqendrohet më shumë te rreziqet e menjëhershme sesa te sëmundjet afatgjata si sëmundjet e zemrës.
12. Macet
Frika nga macet, sidomos të zezat, lidhet me besëtytni moderne. Në disa kultura, macet janë sjellës fati. Frika nga macet quhet ailurophobia.
13. Qentë
Një frikë e natyrshme nga qentë agresivë është e kuptueshme, por kur kthehet në fobi ndaj çdo qeni, mund të kërkojë ndihmë profesionale, si terapi ekspozimi.
